Në universitetin “Luigj Gurakuqi” prej vitesh degët e mjekësisë si infermieri, mami apo fizioterapi janë të plotësuara që në fazat e para. Përgjegjësi i Lëndëve Paraklinike, Julian Kraja tregon se krahas ndjekjes së studimeve, studentët e fizioterapisë po ushtrojnë praktikat profesionale në spitalin rajonal të Shkodrës.
“Klinika ka praktikat profesionale duke i bërë konkrete tek pacienti dhe ky është qëllimi kryesor”, u shpreh Julian Kraja, Përgjegjës i Departamentit të Lëndëve Paraklinike.
Edhe hartimi i kuotave çdo fillim vit bëhet në bazë të kapaciteteve për kryerjen e praktikave si në spital po ashtu edhe pranë klinikës se fizioterapisë që ndodhet brenda ambienteve të fakultetit.
“Ne si universitet ofrojmë 70 kuota në vit për programin e fizioterapisë”, u shpreh Kraja.
Praktikat profesionale i kanë ndihmuar studentët që krahas njohurive gjatë viteve të studimit të praktikohen duke marrë një përvojë reale nga puna me pacientë.
