Kryeministri, Edi Rama zgjodhi të bënte një prezantim përmes projeksioneve jo vetëm të arritjeve, por edhe premtimeve për marrjen e një tjetri mandati me 11 maj.
Ndërsa shfaqen pamjet e ambientit të ri të fushatës, kreu i qeverisë foli jo vetëm për realizmin e reformave të kryera që pas ardhjes në pushtet në vitin 2013, por edhe për prioritetet të shtrira deri në 2030.
“Kjo anija kozmike e Covidi-t, kishte një fillim 30 sekonda të asaj kohe katër vjet më përpara kur morëm rrugën për fitoren e 8-të. Është shumë më mirë se sa të mbledhim gjithë njerëzit të vinë në një sallë të madhe. Bëjmë këtu këtë dhe pastaj ndajmë këto kapitujt e programit në territor. Duhet dhe një qartësi e siglës”, shkruan Rama.
Gjatë prezantimit, Rama ndalet edhe tek sektori i energjisë, ku me anë të grafikave tregon sipas tij diferencën e prodhimit të energjisë para dhe pas vitit 2013-të.
Kryeministri Edi Rama e ka shpërndarë këtë në Facebook, ndërsa tregon një panoramë të detajuar për programin e qeverisë.
